وكالات//

مزال المحاين ديال الرابور شون كومز “ديدي” مابغاتش تسالي، وهاد التهمة الجديدة تقدر تغرقو وتديه الحبس.

المرأة الجديدة لي بانت سميتها أبريل لامبروس وكتقول أن “ديدي” غتاصبها وتعدا عليها 4 ديال المرات بعدما بنجها، هادي 20 عام.

هاد المرة لي عندها 51 عام، ولي رفعات عليه دعوى في نيويورك، قالت أن الرابور كان واعدها أنه غادي يعاونها وغادي يدير ليها علاقات تجارية، وهو شي لي خلاه يدير فيها داكشي، وتسكت.

غير باش تعرفو راه هادي هي المرأة السادسة لي قررات تدعي “ديدي” بنفس التهم تقريبا.

وكتجي هاد التهم في الوقت لي مزال الفيديو ديالو منوض روينة لي بان فيه كيضرب بطريقة وحشية صاحبتو القديمة كاسي فينتورا.