وكالات//

أربعة أشخاص كانو معروفين بأنهم من أقرب الناس لـ Michael Jackson رفعو دعوى قضائية مفاجئة، كيتهموه فيها بارتكاب اعتداءات جنسية عليهم ملي كانو أطفال.

الدعوى تقدّمات فـ 27 فبراير لي فات، من طرف الإخوة إدوارد، دومينيك، وألدو كاششيو وأختهم ماري نيكول بورتي. هاد العائلة كانت كتتوصف لسنين طويلة بأنها “العائلة الثانية” لجاكسون، وكانت من أكبر المدافعين عليه.

ولكن الشكاية الجديدة قلبات الصورة بالكامل، واتهماتو بأنه كان كيستغل الأطفال على مدى سنوات طويلة. وكتشير الشكاية أن الوقائع المزعومة بدات فالتسعينات، ملي كانو أعمارهم بين 7 و8 سنين.

الملف كيهضر حتى على أماكن متعددة، من بينها فيرما الشهيرةNeverland Ranch فكالفورنيا، إضافة إلى منازل شخصيات معروفة فسويسرا وبريطانيا، خلال جولات فنية ديالو بين 1992 و1993، ثم جولة أخرى ففرنسا وجنوب إفريقيا.