وكالات//

قدر واحد الولد صغير يتسلل عبر السياج ديال البيت الأبيض، فالعشية ديال الأربعاء، قبل ما يعترضوه عناصر من جهاز الخدمة السرية ويرجعوه لوالديه.

وقال المتحدث باسم جهاز الخدمة السرية، أنتوني جولييلمي، أن الولد داز من السياج فالجهة الشمالية ديال البيت الأبيض تقريبا مع الساعة 6:30 ديال العشية، بعد ساعة تقريبا من ما أعلن الرئيس دونالد ترامب على فرض رسوم جمركية جديدة على واردات السيارات من المكتب البيضاوي.

وأضاف جولييلمي فواحد المنشور على وسائل التواصل الاجتماعي: “قدرو الضباط بسرعة أنهم يرجعو الولد لوالديه بلا ما يكون شي حادث”.

وبان فواحد الفيديو اللي نزل على الإنترنت، واحد الضابط مسلح كيشد الولد اللي كان لابس جيلي زرق ومعاه غطاء رأس، قبل ما يسلمو لواحد الضابط آخر.