گود سبور//

بدلت العصبة الوطنية لكرة القدم الاحترافية، موعد توقيف منافسات القسم الثاني من البطولة، بسبب كاس إفريقيا “المغرب2025″، وغادي توقف المنافسات قبل الوقت اللي كان محدد حيث ما بقاش عندهم الحال.

وقررت العصبة الوطنية لكرة القدم الاحترافية أنه غادي يتم توقيف منافسات البطولة الاحترافية للقسم الثاني مباشرة بعد نهاية الدورة 11، واللي غادي تسالي اليوم الأحد 07 دجنبر 2025، فـ بلاصة نهاية الدورة 12 اللي كان هو الموعد السابق لتوقيف المنافسات.

وحسب العصبة الوطنية لكرة القدم الاحترافية، فهاذ القرار جا للشروع فـ استقبال الوفود الخاصة بالمنتخبات المشاركة فـ كأس إفريقيا للأمم، وما يتطلب ذلك من جاهزية لوجستيكية وتنظيمية، أما المنافسة فـ غادي ترجع للقسم الثاني مع القسم الأول ملي تسالي كاس إفريقيا.