وكالات//

منّ نهار خرّج ChatGPT فآخر 2022، تزاحمو ملايين ديال الناس على النماذج اللغوية باش يوصلو للمعلومات بسرعة وبطريقة مبسّطة.

ولكن واحد الورقة البحثية جديدة، لي شاركو فيها جوج ديال الباحثين فالتسويق، كتبيّن جانب آخر من هاد السهولة: التعلّم عبر نماذج الذكاء الاصطناعي يمكن يخلّي الفهم أقل عمقًا مقارنة مع البحث التقليدي فـ Google.

الدراسة، لي دارت سبع تجارب وشملت أكثر من 10 آلاف مشارك، جرّبات الفرق بين تعلّم مواضيع بسيطة – بحال كيفاش دير واحد الجردة ديال الخضر – عبر ChatGPT أو عبر البحث اليدوي ف غوغل.

وفالجوج ديال الحالات، حسب “ساينس أليرت”، كان المشاركين أحرار كيفاش يستعملو الأداة وبإمكانهم يطلبو معلومات أكثر.

ومن بعد ما سالاو عملية البحث، طلبو منهم يكتبو نصيحة لشي صديق على الموضوع. وهنا بان الفرق الكبير: الناس لي استعملو النماذج اللغوية حسّو براسهم تعلمو أقل، خدّمو راسهم أقل، وكتبو نصائح قصيرة، أقل واقعية، وأكثر عمومية.