كود – nature//

فواحد الدراسة دارتها فرقة بحثية مشتركة بين جامعة مولاي إسماعيل فمكناس وجامعة KU Leuven فبلجيكا على 314 عامل فلاحي موزعين على 7 ديال المناطق الفلاحية الرئيسية فالمغرب, وتنشرات فمجلة Scientific Reports التابعة لمجموعة Springer Nature ف8مارس 2026, النتائج بينات أن أغلبية المشاركين (74.2%) يا إما ما قراوش نهائياً ولا عندهم غير مستوى ابتدائي، ومتوسط الأعمار ديالهم هو 40 عام، ونسبة الرجال فيهم (64.3%). هاد التركيبة الديموغرافية كتعكس الواقع ديال اليد العاملة الفلاحية فالمغرب، اللي عندها ضعف فالتكوين الفلاحي .

اما بخصوص دوايات ديال الفلاحة ، النتائج بينات أن 86.3% من المشاركين ما قادرينش يسمّيو الدوا اللي كيستعملوه يومياً، وما فاتتش نسبة اللي عندهم معرفة مزيانة بقواعد السلامة 33.3%. فالمقابل، 44.7% منهم عندهم عارفين بلي دول خطر وخا ما عرفينش كيفاش يديرو احتياط ، وهاد الشي كيبين واحد التناقض بين الرغبة فالسلامة وغياب الوسائل المعرفية اللي كتخلي هاد الشي يتطبق فالواقع.

الدراسة بينات بلي 93% من الفلاحين عبّرو على الاستعداد ديالهم يشاركو فمبادرات المراقبة البيولوجية، وهاد الشي لي يقدر يعزز حماية وقائية فالصحة الفلاحية.