كود -وكالات //

بينات تقارير جديدة ديال منظمة الصحة العالمية أن ارتفاع الضغط الدموي ولا من أخطر المشاكل الصحية فالعالم، حيث كيعاني منو  1.4 مليار واحد ، ومنهم  600 مليون ماعارفينش أنهم مراض بيه، هاد المرض كيتسمى “القتال بالحس”، حيث مكيبين حتى أعراض فاللول.

ووفق دراسة علمية منشورة فمجلة The Lancet، فعدد المصابين طلع بشكل كبير  فالسنين الأخيرة، خصوصاً فالدول النامية، بسبب نمط العيش لي ماشي صحي سوا بسباب الماكلة المالحة،او قلة الحركة او الستريس.

الخطورة ديال ارتفاع الضغط هي المضاعفات ديالو، حيث يقدر يسبب السكتة الدماغية، أمراض القلب، وحتى مشاكل فالكلاوي إلا ما تعالجوش ،وكاينين عوامل كتزيد من خطر الإصابة بحال السمنة، التقدم فالسن، الوراثة، وقوة  استهلاك الملحة.

فالمقابل، كيقولو الخبراء على أن الوقاية ممكنة لطبتجنب الاسباب لي دكرناها هاد الكونترول مرة مرة للطانسيو ،وخا هكاك ، كيبقى غير واحد من كل خمسة قادرين يتحكمو فهاد المرض بشكل مزيان.