وكالات//

افاد موقع “Psypost” انه حسب دراسة استقصائية دارها الباحثان نيكول براوز وجيمس بيني، لقاو أن الناس اللي كتنتمي لمجتمعات كتمنع العادة السرية ولا كتشجع باش ماتتمارسش غالبا كيميلو للإنتحار من بعد ازمات نفسية ، وفقًا لبحث جديد تنشر فمجلة “Sexualities”.

وأضاف الموقع العلمي أن الباحثين دارو دراسة على”Nofap” وهي واحد المنصة كتروج لفكرة ان الانسان خصو يضبط الجسد ديالو ويمتنع على المواد الإباحية والعادة السرية وان العادة السرية عندها اضرار والى الشخص حبسها فخطرة ممكن يتعالج من ضعف الانتصاب وأمراض الصحة العقلية.

وأضاف الموقع انه العديد من الدراسات النوعية لقات أن هاد الادعاءات غير كذوب والباحثون دارو إعلانات عبر الإنترنت جمعو فيها عينة من 417 رجل سمعوا على هاد المنصة، من هاد العينة 257 رجل تبعو نصائح هاد المجموعة وحبسو العادة السرية قالو انهم تأزمو نفسيا ومن بين المشاركين ، أفاد 28.9٪ بأنهم عندهم رغبة فالانتحار . وبالتالي لقات الدراسة أنه كلما كان المشاركون أكثر انخراطًا فمنتديات NoFap ، زاد شعورهم بالانتحار بعد الأزمة.

لقاو الباحثون أيضا أن اللي عندهم وصعوبات في الانتصاب هوما اكثر الناس اللي كينضمو وكيأيدو هاد المجموعات وافكارهم ولقاو ايضا باللي هاد النوع من المجموعات كيكونو فيها سلوكات ماشي طبيعية بحيث أفاد زوار منتديات “NoFap” محتويات فيها كره النساء بنسبة (73.7٪) ، أو تنمر 49.1٪، أو مناهضًا للمثليين 42.9٪ .

https://www.psypost.org/2023/03/greater-engagement-with-anti-masturbation-groups-linked-to-higher-rates-of-depression-anxiety-and-suicidal-feelings-68429