كود كازا ///

الأزواج اللي كيمارسو العلاقة الجنسية و كيستمتعو بالفراش ، بشكل متكرر بزاف كيبانو فالغالب أكثر حيوية وقرب عاطفي وحب ، وكيتكال عليهم عندهم “كيمياء قوية” ، بيناتهم، حيث كيتعرضو بشكل متكرر لهرمونات مرتبطة بالسعادة بحال الدوبامين والأوكسيتوسين والإندورفين اللي كيعطيو إحساس بالراحة والتعلق والنشاط النفسي ،وهاد النتائج جات من دراسة علمية منشورة في مجال علم النفس الاجتماعي لي ربطات السعادة الزوجية بشكل كبير بالنعاس 4 حتا 5 لمرات في السيمانة .

غير هو راه كاينة دراسة منشورة فمجلة Social Psychological and Personality Science لي دارت أبحاث على أكثر من 30 ألف شخص، وبينات أن السعادة كتزيد مع نعاس المعاود، ولكن غير حتى كتوصل تقريبا لمعدل مرة وحدة فالسيمانة، ومن بعد هاد الحد كيبقى التأثير شبه مستقر وما كيزيدش بشكل واضح.

وزادت كالت الدراسة أن الأزواج اللي كيوصلو لهاد المعدل كيسجلو توازن نفسي واستقرار عاطفي مزيان، بينما الزيادة الكبيرة فالتكرار ما كتضيفش فرق كبير فمستوى الرضا العام.

وفي المقابل، أوضحت النتائج أن الأزواج اللي كيمارسو العلاقة بشكل أقل من مرة فالسيمانة ممكن تكون عندهم مستويات أقل شوية من الرضا، ويكون عندهم ستريس، ولكن بحسب ما أكاداتو هاد الأخيرة فهاد الشي كيبقى مرتبط أكثر بجودة العلاقة والتفاهم بين الزوجين ماشي غير بالعدد.

وزادت الدراسة شرحات أن التفاعل الكيميائي داخل الدماغ كيلعب دور مهم، حين لكوبل فالفراش كيطلق مواد بحال الدوبامين والأوكسيتوسين والإندورفين اللي كيخليو المزاج فرحان وكيعطيو إحساس مؤقت بالسعادة والقرب.

لكن الباحثين شددو أن هاد التأثيرات الكيميائية كتكون لحظية، وأن السعادة الزوجية المستمرة كتحتاج أكثر للتواصل العاطفي والاستقرار والانسجام بين الطرفين.