كود – وكالات//

بينات تجربة سريرية دارت على مرضى كيعانيو من مرض الانسداد الرئوي المزمن (EPOC)، باللي العلاج بالضحك يقدر يخفف من صعوبة التنفس، وكيعطي نتائج مشابهة لتمارين التنفس التقليدية.

ووفق خبراء من جامعة حجي تبة فأنقرة، العلاج بالضحك ممكن يكون وسيلة مساعدة للمرضى اللي كيعانيو من هاد المرض، خصوصاً فالتقليل من الإحساس بضيق التنفس.

الدراسة كتقترح أن الضحك ماشي غير وسيلة كتقاد المورال، ولكن يقدر حتى تكون عندو فائدة مرتبطة بالتنفس عند الأشخاص المصابين بالانسداد الرئوي المزمن.

الباحثين قارنوا تأثير العلاج بالضحك مع التمارين التنفسية اللي كتستعمل بشكل تقليدي مع هاد الفئة من المرضى، ولقاو أن العلاج بالضحك قدر يحقق تحسن فصعوبة التنفس بشكل قريب من النتائج اللي كتقدمها هاد التمارين.

هاد النتائج كتفتح الباب قدام استعمال العلاج بالضحك كجزء من طرق مساعدة أخرى للتعامل مع الأعراض المرتبطة بمرض الانسداد الرئوي المزمن، مع العلاجات والتمارين اللي كيوصفها الأطباء.