كود – وكالات //

دراسة جديدة كشفات باللي واحد من كل خمسة لوليدات فالعالم تعرضو للعنف الجنسي فطفولتهم، مع تأثيرات كبيرة كتستمر حتى فالكبر، التحليل داروه الباحثين على 1412 حالة فـ147 دولة وشارك فيه كثر من سبعة المليون  واحد ، ولقاو أن 20.1% من العيالات و16.8% من الرجال تعرضوا لشكل من أشكال العنف الجنسي قبل ما يوصلو لـ18 عام، بالنسبة للاعتداء اللي كيشمل الاحتكاك الجسدي، النسبة هي 12.4% عند العيالات و10% عند الرجال، والباحثين كيتوقعو أن كثر من 130 مليون طفل تضررو فـ2024 بوحدو.

المشكل كبير هو ان بزاف ديال الحالات ماكيتمش التبليغ  عليها بسباب الخوف أو العجز على التعبير لي كيخلي الضحايا ساكتين،أما العواقب ممكن توصل للاكتئاب، القلق، اضطراب ما بعد الصدمة، مشاكل الإدمان وحتى الأمراض الجسدية والجنسية ، اما فالعالم الرقمي كيتزادو الجرائم الجنسية الإلكترونية لي كتهدد الصغار، وخاص المجتمع يزيد يوعي بهاد الظاهرة ويعاون الضحايا باش يتحسن وضعهم كيقول البحث.