وكالات//

نقابة ديال الطيّارين الألمان “كوكبيت” حذّرات نهار الأربعاء باللي النعاس وسط الرحلات الجوية ما بقاش غير استثناء، ولكن ولى ظاهرة كتخلع، كتعكس التعب الكبير اللي ولى كيعاني منو الطيّارين.

واحد الاستطلاع داراتو النقابة على أكثر من 900 طيّار بيّن أن 93% منهم اعترفو أنهم نعسو فشي رحلة فهاذ الشهور اللي فاتت، و44% قالو أنهم كينعسو بشكل منتظم، و12% قالو أنهم كينعسو تقريباً فكل رحلة. و7% ما قدروش حتى يتفكرو شحال من مرة نعسو وسط الرحلات.

كاترينا ديزلدورف، اللي هي نائبة رئيس النقابة، قالت أن هاد النعاس اللي كان فالأول كيدار غير باش يشحنو الطاقة ولى دابا حل دايم مع ضغط الخدمة، وحذّرات باللي التعب المزمن عند طاقم القيادة كيهدد السلامة ديال الرحلات.

وزادت قالت أن قلة الناس اللي خدامين وكثرة الخدمة، خصوصاً فالصيف، زادو الطين بلّة، وبيّنو باللي خاص حلول مستعجلة لتحسين ظروف الخدمة ديال الطيّارين.

نقابة “كوكبيت” كتمثل تقريباً 10 آلاف طيّار وخدام فالكوبي من ضمنهم المتدرّبين، وكتوضح أن “القيلولة” كتكون عبارة عن فترات ديال الراحة المتحكم فيها وسط الطيران.