وكالات//

لقا واحد التحليل دارو واحد المركز ديال الدراسات أن الأيام السخونة لي كتفوت درجة الحرارة ديالها 35 درجة تزادت بواحد النسبة كتخلع بزاف في بزاف ديال العواصم العالمية.

وكيقول التحليل لي نشراتو وكالة رويترز للأنباء، أن هادشي جا في 30 سنة الأخيرة، وأكثر المدن في العالم لي عرفات هاد الارتفاع هي نيودلهي وجاكرتا وبوينس آيرس.

هاد الدراسة تدارت على 20 من أكبر العواصم في العالم، ولي كيسكنو فيها مجموعين 300 مليون واحد، ولقات أن الحرارة تزادت فيها فهاد 30 سنة الأخيرة بنسبة 51 في المئة.

كتقول الدراسة ان هاد الزيادة كبيرة بزاف، ويمكن عمر الأرض ماعرفاتها، وكتأتكد أنها أثرات على الصحة البدنية والنفسية ديال ملايين ديال الناس، وتسببات حتى في وفيات.