كود – وكالات//

كشفت بعض دراسات أن بعض العيالات اللي كيشربو الروج بطريقة معتدلة ، يقدر يبان عندهم تحسن فبعض الجوانب الصحية، ومن بينها ارتفاع محتمل فـ الطاقة والرغبة الجنسية.

وكتشوف هاد الدراسات، انه كاين ارتباط محتمل بينو وبين تحسن تدفق الدم فالجسم، وهو الشي اللي كيخلي بعض الباحثين يقارنو تأثيرو الخفيف بتأثير محفزات جنسية بحال “الفياجرا”، ولكن بشكل ضعيف ومؤقت وماشي بطريقة علاجية .

وبحسب تقارير إعلامية نشراتها BBC ومراجع طبية بحال Mayo Clinic، بعض الدراسات لاحظت أن كاس واحد ديال روج عند بعض العيالات اقدر يرتبط بزيادة فالإحساس بالرغبة والنشوة الجنسية، خصوصا بسبب تأثيرو على الاسترخاء وتقليل التوتر، وتحسين الدورة الدموية.

وكاينين أبحاث أخرى كتكول أن “الريسفيراترول” الموجود في روج الأحمر اقدر يكون عندو دور فمضادات الأكسدة، وقد يساهم بشكل غير مباشر فدعم التوازن الهرموني عند بعض النساء، لكن هاد النتائج ما زالت أولية وما مافيهاش تأكيد علمي نهائي.

ولكن فالمقابل، كنلقاو خبراء الصحة بحال منظمة الصحة العالمية (WHO) وجمعية القلب الأمريكية (AHA) كيكولو أن هاد الفوائد إلا كانت صحيحة فهي ماشي مرتبطة غير بالاستهلاك المعتدل، وأن الزيادة في الشراب من المحتمل تسبب مشاكل بحال الإدمان، اضطرابات فالجهاز العصبي، وزيادة خطر بعض أنواع السرطان.