كود -وكالات//

كنصرفو ملايين الدراهم كل عام على ديودورون وروايح، وحنا كنحاولو نهربو من الريحة الطبيعية ديال أجسامنا, ولكن العلم كيقول باي يمكن نكونو كنحاربو أقوى وسيلة جاذبية عند الإنسان بلا ما نحسو.

فواحد التجربة اللي ولات من أشهر الدراسات فمجال علم النفس التطوري، طلب الباحثون من مجموعة ديال العيالات  يشمّو حوايج رجالهم ملبوسين 3 ايام بلا بارفام، النتيجة كانت أنه بزاف ديال العيالات  فضّلو ريحة الرجال اللي مختلفين عليهم وراثياً، وهو الشي اللي كيعتقد العلماء أنه آلية طبيعية باش يتفادى الجسم التزاوج بين الأقارب ويضمن تنوع أكبر فالمناعة عند الأبناء.

دراسات أخرى لقات أن العيالات اللي تعرضو لريحة عرق الرجال تقاد لهم المورال و تحركات فيهم الغريزة الجنسية ، وكاين مؤشرات علمية كتقول ببي بعض المواد الموجودة فعرق الرجال تقدر تأثر إيجابياً على الحالة النفسية والتركيز عند المرأة، الشي لي يقدر ينعكس حتى على الانجذاب والاستجابة العاطفية.

كيشيرو بعض الباحثين إلى أن الإنسان عندو عدد كبير من الغدد المسؤولة على إفراز هاد الروابح الطبيعية مقارنة مع بزاف ديال الثدييات الأخرى ،واحد الدراسة لقات أن الأزواج اللي راضين أكثر على علاقاتهم العاطفية كيلقاو ريحة الشريك الطبيعية مقبولة ومحبوبة أكثر من غيرهم. بمعنى أن الريحة ماشي غير عامل فالجذب الأول، ولكن حتى مؤشر كيقدر يعكس قوة الارتباط والتقارب بين الزوجين مع مرور الوقت.