وكالات//

لقات واحد الدراسة دارتها الجامعة ديال أوكسفورد البريطانية المشهورة، أن المشاركة ديال العنصر النسوي في الفرق الطبية لي كيديرو العمليات الجراحية كتعطي نتائج أحسن من ايلا كانو فيها غير الذكور.

ووصات الدراسة كاع السبيطارات في البلاد وفي العالم أنهم يخدمو بنات في الفراقي ديالهم لي كيديرو العمليات الجراحية، وخاصة هاديك العمليات المعقدة.

الدراسة تدارت بناء على 709899 عملية جراحية، لي تدارت في 88 سبيطار في بزاف ديال المدن في بريطانيا، وتدارت على مدى 10 سنين بين عام 2009 و2019.

وكتقول الدراسة أن متوسط نسبة النساء المتخصصات في التخدير والجراحة هو 28% تقريباً، وكانو طبيبات متخصصات في الجراحة حاضرات في 6% من العمليات وكانو طبيبات التخدير بنسبة 27% من كاع العمليات لي تدارو.