الرئيسية > تبركيك > دراسة جمعية الأقليات الجنسية: فالمغرب المثليون والمتحولون كيعانيو التمييز والسلوك العدائي من الأطر الطبية وصعيب يولجو خدمات الصحة
19/05/2020 10:00 تبركيك

دراسة جمعية الأقليات الجنسية: فالمغرب المثليون والمتحولون كيعانيو التمييز والسلوك العدائي من الأطر الطبية وصعيب يولجو خدمات الصحة

دراسة جمعية الأقليات الجنسية: فالمغرب المثليون والمتحولون كيعانيو التمييز والسلوك العدائي من الأطر الطبية وصعيب يولجو خدمات الصحة

عفراء علوي محمدي- كود//

فدراسة ميدانية ليها حول احتياجات الأشخاص ذوي التنوع الجنسي والجندري بالمغرب، أكدات جمعية الأقليات الجنسية أن أغلب المستجوبين اللي تكلمات معاهم كيعانيو من صعوبات ولوج المجال الطبي، بحكم أن جزء كبير منهم كيعانيو من أمراض منقولة جنسيا، وعلى وجه الخصوص أمراض النساء.

المستجوبين ال400 اللي تكلمات معاهم الجمعية وخدات تصريحاتهم، واللي كينتميو لمدن طنجة والرباط ومراكش وأكادير، أكدو بللي كيتضررو بالزام من السلوك التمييزي والعدائي ديال الأطر الطبية معاهم، وهذشي اللي كيولد ليهم صعوبة لولوج مجال الصحة.

وحسب الدراسة، اللي خصلات “كود” على نسخة منها، ف19,2 فالمية من المستجوبين ماعندهمش ارتياح مرتبط بالصحة ديالهم بشكل عام، منهم 40 فالمية متحولون، الكوير 33 فالمية، صحاب الجنس الثالث 33 فالمية، والمتحولات 25 فالمية.

كذلك كيعانيو المستجوبين بشكل كبير من مشاكل فالعلاقة مع الجنس، بسبب عدم تقبل الشركاء ديالهم العاطفيين وانزعاجهم المرتبط بين الخلط بين الهوية الجنسية والتوجه الجنسي، وهذا كيأثر سلبا على الحياة العاطفية دالمستجوبين وصحتهم النفسية والاجتماعية.

موضوعات أخرى

25/05/2020 21:30

الوضعية الوبائية لكورونا فجهات وأقاليم المغرب اليوم: جهة كازا وطنجة اللي فيهم عدد كبير من الاصابات .. وها الأقاليم اللي ولات خالية من الفيروس