الرئيسية > آش واقع > دراسة جمعية أقليات: 60 فالمية من المثليين والمتحوليين ماكاينخرطوش فالأنشطة الاجتماعية والسياسية بسباب الخوف وانعدام الثقة فالمنظمات.. و71 كيطالبو بتغيير القوانين
19/05/2020 20:30 آش واقع

دراسة جمعية أقليات: 60 فالمية من المثليين والمتحوليين ماكاينخرطوش فالأنشطة الاجتماعية والسياسية بسباب الخوف وانعدام الثقة فالمنظمات.. و71 كيطالبو بتغيير القوانين

دراسة جمعية أقليات: 60 فالمية من المثليين والمتحوليين ماكاينخرطوش فالأنشطة الاجتماعية والسياسية بسباب الخوف وانعدام الثقة فالمنظمات.. و71 كيطالبو بتغيير القوانين

عفراء علوي محمدي- كود//

فدراسة ميدانية دارتها جمعية الأقليات الجنسية بمناسبة اليوم العالمي للمثلية الجنسية، واللي استهدفات 400 مستجوب من مجتمع “الميم عين” من أربع مدن مغربية، كتشوف بللي كاين ضعف كبير ديال انخراط هذ الفئة فالأنشطة الاجتماعية والسياسي، بسبب الخوف، ونقص المساحات المجتمعية ووسائل الاتصال ووجود جمعيات ماشي شفافة وتغلب عليها ذكورية.

فصفوف هذ المستجوبين، 51 فالمية مامنخرطين فحتى منظمة، 20 فالمية منخرطين جمعيات، 16 فالمية فأحزاب، 6 فالمية عندهم انتماء ثقافي، 6 فالمية منخرطين فمنظمات التنوع الجنسي، 1 فالمية فمنظمات حقوق الإنسان، والمتحولون هم أقل انتماء لهذ الهيئات على الآخرين.

بالنسبة لمنظمات ومجموعات الأقليات الجنسية، 40 فالمية ماكيعرفو حتى منظمة، و60 فالمية اللي بقاو أغلبهم عندهم مستوى عالي.

بالنسبة اللي ماقدروش ينخرطو فهذ الهيئات، 60 فالمية كان سبابهم الخوف، 36 فالمية غياب المساحات الآمنة، 31 فالمية انعدام الثقة فالمنظمات، 29 فالمية انعظام الأمل فإمكانية وجود تغيير إيجابي، و29 فالمية بسبب الهيمنة الذكورية، 28 فالمية و26 فالمية بسبب نقص المعلومات وعدم الاهتمام على التوالي.

71 فالمية من المستجوبين كيشوفو بللي خاص المنظمات تهتم بتغيير القوانين، اللي كيطالبو بإنشاء مساحات مجتمعية 49 فالمية، اللي بغاو تغيير سياسي عام 44 فالمية، اللي كيطالبو باهتمام الرأي العام المحلي والدولي 44 فالمية، الوعي والتعبئة 43 فالمية، التدريب عن الحماية والدفاع عن النفس 42 فالمية، واللي بغاو التحالف مع المنظمات الحكومية والدولية 38 فالمية.

موضوعات أخرى

25/05/2020 21:30

الوضعية الوبائية لكورونا فجهات وأقاليم المغرب اليوم: جهة كازا وطنجة اللي فيهم عدد كبير من الاصابات .. وها الأقاليم اللي ولات خالية من الفيروس

25/05/2020 21:00

“نتوما ماشي شعركم.. نتوما عقلكم وقرايتكم وذكائكم. من بعد ميساج عبير عابد القوي للعيالات.. بزاف اتافقو معاها وشجعوها -تدوينة

25/05/2020 20:30

مرصد الشمال لحقوق الإنسان لـ”كود”: الانتحار كيحصد أرواح العشرات من أبناء شفشاون وهادشي عندو علاقة باضطرابات اجتماعية تعرفها المنطقة