وكالات//

بينات واحد الدراسة جديدة، أنك إلي بدلتي شي عادات بسيطة فالحياة ديالك، تقدر تنجيك من بزاف ديال المشاكل الكبيرة، بحال الموت المبكر وأمراض القلب.

على حساب ماقال الجورنال ديال “ديلي ميل” البريطاني، فهاد الدراسة جات بعدما حللو علماء البيانات ديال مليون ونص إنسان من مختلف الفئات العمرية، وعندهم وضعيات صحية مختلفة.

ولقات الدراسة أنك إلى طلعتي الدروج غادي تنقص من فرصة الموت المبكر بنسبة 24٪، وغادي تنخافض الفرصة ديال أنك تصاب بأمراض القلب والأوعية الدموية بنسبة 39٪ وهادشي ف المدة ديال 14 عام..

وأكدوا الباحثين أن الحركة والرياضة كتحسن من العمل ديال القلب والأوعية الدموية والصحة بشكل عام.

وهادشي ماشي غير بالرياضات المعروفة، بل قالو العلماء أن حتى النشاط البدني القصير بحال الطلوع ديال الدروج مفيد بزاف للصحة على المدى الطويل.