هناء أبو علي ـ كود//
قال موقع “Science alert” إن دراسة جديدة دارها فريق ديال الباحثين من الولايات المتحدة واليابان، لقات أن المرضى اللي كتعالجوهوم وتقابلهم طبيبة أقل عرضة للوفاة ولا يرجعو للسبيطار بالمقارنة مع اللي كيعالجوهوم طبيب ذكر.
وأضاف الموقع أن الدراسة كتدعم أبحاث سابقة تدارت ولقات نفس النتائج فحين مكاينش أسباب التفاوت.
وأوضح أن فريق الباحثين دارو تحليل للبيانات من مصادر الرعاية الطبية الأمريكية على 458,108 أنثى و318,819 مريض ذكر دخلو للسبيطار بين عام 2016 و2019. وكانو كاملين فوق سن 65 عام، وتم فحص ما يقل عن ثلث المرضى الذكور والإناث من قبل طبيبات.
لقاو أن معدل الوفيات بين المرضى الإناث كان 8.15 ٪ فاش عالجوهوم طبيبات مقارنة مع 8.38 ٪ فاش كان الطبيب ذكر، الشئ اللي اعتبروه الباحثون فرق كبير و”مهم سريريا” .
ووصل معدل الوفيات بين المرضى الذكور اللي عالجوهوم طبيبات 10.15 ٪ أي أقل من معدل 10.23 ٪ للأطباء الذكور. واكتشف الباحثون نفس النمط بالنسبة لمعدلات إعادة القبول في المستشفى.
ويشير مؤلفو الدراسة للأسباب الممكنة مورا هاد التناقض ومنها أن الطبيبات ربما كيتواصلو بشكل أفضل مع المرضى والأطباء كيقللو من خطورة المرض اللي عند المرضى ومكيضخموش مستوى الألم عند الناس المراض.
موضوعات أخرى
نايضة ف طنجة بين نشطاء الميم والفاعل المدني بولعيش.. هادي التفاصيل
الملايين ديال الناس تعاطفو معه.. جاستن بيبر تأثر بزاف بالموت ديال جدو
529 يوم وهي تالفة.. كلبة مشهورة ف أستراليا رجعات بمعجزة لصحابها
