وكالات//
بينات واحد الدراسة جديدة أن الطوموبيلات ديال الضو معرضين كثر أنهم يضربو الناس لي كيمشيو على رجليهم مقارنة مع الطوموبيلات ديال المازوط.
هاد الدراسة تدارت بناء على ملايين الكيلومترات لي قطعاتها الطوموبيلات الكهربائية ولخرين ديال المازوط وليسونص، ولقاو أن ديال الضو دارو كسايد مع الناس لي كتمشي 2 ديال المرات أكثر من الطوموبيلات لخرين.
في الخلاصات ديال الدراسة، كتقول أنه واخا راها صديقة للبيئة حينت مكثلوتش، ولكن مللي كيشريوها الناس لي معندهومش الخبرة والموطور ديالها مكيديرش الحس، كيخليها أكثر عرضة أنها تضرب الراجلين.
ولقات الإحصائيات لي دارتها بريطانيا وميريكان ديال الكسايد في البلاد أن أغلب الكسايد لي كيديروها الطوموبيلات ديال الضو، هوما أنهم كيضربو الراجلين، وهو شي لي خلاتهم يوصفوها أنها خطيرة عليهم.
