وكالات//

كشّفات دراسة علمية جديدة بلّي طلوع درجات الحرارة والتغيّرات المناخية يقدرو يأثّرو مباشرة على جنس ديال المواليد، وهاد الشي ممكن مع الوقت يبدّل فـالتركيبة السكانية ديال العالم.

الدراسة اللي قادتها جامعة أكسفورد حلّلات أكثر من 5 مليون حالة ولادة ف33 دولة موزّعين بين إفريقيا جنوب الصحراء و**الهند**، وبيّنات بلّي الجو اللي فيه سخونية أكثر كيميل يخرّج البنات أكثر من الدراري، خصوصاً إلى فْاتت الحرارة 20 درجة مئوية.

وقالت الدكتورة ياسمين عبد الغني، المشرفة الرئيسية على الدراسة حسب ما جا فـجريدة ديلي ميل، بلّي الحرارة المفرطة ماشي غير خطر صحي، ولكن حتى عامل أساسي يقدر يعاود يرسم مسار التكاثر ديال البشر، حيث كتأثّر على بقاء الأجنّة وعلى تصرّفات العائلات فتنظيم الإنجاب، وبالتالي كيأثّر هاد الشي على التوازن بين الذكور والإناث فالمجتمعات.