كود -وكالات//

كتقول دراسة طبية تنُشرات فمجلة The Journal of Sexual Medicine أن الانتصاب الصباحي عند الرجال ماشي غير ظاهرة عادية، ولكن مؤشر مهم على صحة الجهاز العصبي والدورة الدموية ديال الرجل ، وكيشرحو الباحثين أن هاد الحالة كتوقع غالباً بعد مرحلة النوم العميق بسباب ارتفاع مستوى هرمون التستوستيرون فالصباح، ووفق ما نقلو خبراء من Harvard Medical School، فإن الانتصاب الصباحي بشكل منظم كيدل على أن الأعصاب وتدفق الدم ل العضو الذكري خدامين بشكل طبيعي ، ولكن إلا نقصات هاد الظاهرة أو غبرات لمدة طويلة، ممكن تكون فبعض الحالات علامة على مشاكل صحية بحال اضطرابات فالدورة الدموية أو التوتر النفسي، او الهرمونات مخربقين .

ومن جهة أخرى، كيقولو الأطبا أن الحفاظ على نمط حياة صحي كيلعب دور كبير فالحفاظ على هاد التوازن الطبيعي فالجسم ،فبحسب نفس الدراسة، الناس اللي كيمارسو الرياضة بانتظام وكينعسو مزيان وكيتبعو تغذية متوازنة كيكون عندهم نشاط دموي وهرموني مزيان،كما كيحذر المختصون من كترة استعمال ديال بعض الأدوية وقلة النعاس ، لحقاش ممكن تأثر على الأعصاب والأوعية الدموية.

رابط المقال