الرئيسية > تبركيك > دراسة: الموض سيلونسيو ماكيعاونش ضد البلية دالتلفون ولكن العكس
30/06/2022 02:00 تبركيك

دراسة: الموض سيلونسيو ماكيعاونش ضد البلية دالتلفون ولكن العكس

دراسة: الموض سيلونسيو ماكيعاونش ضد البلية دالتلفون ولكن العكس

وكالات //

كشفات دراسة جديدة أن الموض سيلونسيو (Le mode silencieux) اللي فالتلفون ماكيعاونش باش الواحد يحارب الإدمان على التلفون أو ينقص منو ولكن كيأدي لنتيجة عكسية.

الباحثين اللي دارو هاد الدراسة من بنسلفانيا فميريكان، خدمو على عينة من حوالي 138 شخص وحاولو يراقبو ليسمارتفون ديالهم، منهم اللي مخلي الصوت ومنهم اللي داير الڤيبرور وكاين اللي قاطع كلشي ومخلي تلفونو فالموض “Mute”.

موالين الدراسة قالو أن الواحد إيلا قطع الصوت ديال لينوتيفيكاسيون كيتسبب لراسو ف”آلام نفسية” منها بزاف ديال الستريس، بحيث أنه تبين بالنسبة لغالبية الناس اللي كيخدمو بالسيلونسيو كيبقاو يقلبو تلفوناتهم بزاف مقارنة مع إيلا كانو دايرين الصوت. بحالا كيبقاو موسوسين بللي راه شي “حاجة/ميساج/فيديو جديدة” غتفوتهم وهوما مارادينش ليها البال حيث محيدين الصوت للنوتيفيكاسيون.

وأضاف فريق الدراسة أن إسكات النوتيفيكاسيون عند الناس اللي كيعانيو من “الخوف من الضياع” وبعض المشاكل الأخرى كيتضرر وضعهم النفسي أكثر.

موضوعات أخرى

15/08/2022 09:00

الدولة كتعطي للصحافة الدعم ولخبار لصحابهم ف”جون افريك”. كيفاش سربو ليهم التعديل الحكومي وبالاسم وقبل خبار مرض ام الملك. هاداك الدعم زيدوه فيكم ايلى كنتو ما تايقين فصحفكم

15/08/2022 08:00

“كود” قالت ليكم مافيدوش. وفينك يا بوريطة يا مول لمقص. علاش باش فرانسا كتهين لمغاربة سرطي لسانك وباش كولومبيا عتارفات بالبوليساريو ضربتي الطم

15/08/2022 07:00

تقرير للباروميتر العربي بجامعة “برينستون” الأمريكية : 34 ف المائة من المغاربة باغيين يخويو البلاد والأغلبية لأسباب اقتصادية