كود -ua//

دراسة صغيرة دارت فسويسرا على اللحية، بينات النتائج ديالها باللي شي لحيات عند الرجال ممكن يكون فيها عدد كبير د الباكتيريا، وفشي حالات تيكونو أكثر من داك شي اللي هاز الزغب ديال الكلاب، الباحثين أكدو بلي العيّنة كانت صغيرة، وهاد الشي ما كيخليش نعمّمو النتائج حتى يتدارو دراسات كبار.

فالمقابل، كاينين أبحاث أخرى عطاو صورة مختلفة، دراسة دارت على أكثر من 400 واحد خدامين فالسبيطار لقاو باللي الرجال الملتحين كانوا أقل عرضة باش يهزو بعض أنواع الباكتيريا المقاومة للمضادات الحيوية، بحال المكورات العنقودية الذهبية المقاومة للميثيسيلين (MRSA)، مقارنة مع الرجال اللي مكرطين، بعض الباحثين تيقولو بلي السبب ممكن يكون هو الجروح الصغيرة اللي كتخليها الحسانة فالجلد، واللي كتعاون الباكتيريا تكبر .

وزيد على هاد الشي، دراسات تدارو فبلايص حساسة بحال شومبرات العمليات ورّات باللي ملي كيتلبسو الكمامات وأغطية الراس، ما كيبقاش فرق بين اللحايا واللي مكرطين فكمية الباكتيريا اللي ممكن تبان، وهاد الشي كيبيّن باللي إجراءات الوقاية عندها دور كبير.

الحاصول، اللحية بحالها بحال أي جزء من الجسم، فيها ميكروبات بطبيعتها، ولكن النظافة الشخصية هي العامل الأهم اللي كيحدد واش الباكتيريا غادي تكون قليلة ولا كثيرة.

https://ua.news/en/all-news/borodi-perenosiat-bilshe-mikrobiv-nizh-tualeti-chi-sobaki-doslidzhennia