كود -وكالات//

وخا بزاف ديال الناس مكياكلوش رجلين الدجاج، ولكن فالحقيقة كتبقى عامرة بالعناصر الغذائية، خصوصاً الكولاجين الطبيعي.

هاد الرجلين كيتكونو من الجلد والعظام، وما فيهمش تقريباً اللحم، وهاد الشي كيخليهم عامرين كولاجين، وحتى الدراسات العلمية كتشير باللي 70 فالمية من البروتين اللي فيهم هو كولاجين.

الاستفادة الكبيرة من أرجل الدجاج كتبان ملي كطيب بالمهل خصوصاً مع مرقة الدجاج بالحمص، فهاد العملية، الكولاجين كيتحوّل لواحد المادة سميتها الجيلاتين، اللي فيها أحماض أمينية مهمة بحال الغلايسين والبرولين، واللي كيعاونو الجسم باش يحافظو على الأنسجة ديالو ويخدمو  الأعضاء بشكل مزيان.

ومن بين أهم الفوائد كتعاون فصحة المفاصل، حيث فيها مواد بحال الغلوكوزامين والكوندرويتين، وهي نفس المواد اللي كاينة فبعض المكملات الغذائية اللي كيستعملوها الناس باش يخففو آلام المفاصل .

وزيد على هاد الشي، الكولاجين كيلعب دور حتى فصحة البشرة، حيث كتشير بعض الدراسات كيحافظ على مرونة الجلد، وترطيبو، والتقليل من التجاعي وحتى الجيلاتين اللي كييخج من طياب كرعين الدجاج، ممكن يعاون فدعم صحة الجهاز الهضمي، حيث كيعاون على حماية بطانة الأمعاء وتحسين عملية الهضم.