وكالات //

كشفات دراسة داروها باحثين من جامعة “زيورخ” في سويسرا أن القهوة يقدر يغبر ليها الأثر مستقبلا بسباب التغييرات المناخية اللي كيعيشها العالم.

الدراسة قالت أن البلايص اللي فيها الأراضي الزراعية ديال قهوة بحال البرازيل وفيتنام وكولومبيا مهددة بسباب التغير المناخي، ويقدر العالم يخسر نص الأراضي مع هادشي اللي واقع فالبيئة.

وجمع فريق الدراسة، النماذج المناخية العالمية “توقعات التغيرات المناخية في المستقبل”، وبيانات على نوعية التراب ديال الزراعة ومستويات الأس الهيدروجيني، اللي كتتحكم فحموضة الأرض، والضرورية لعدد من المزروعات، هادي كلو لفحص مستقبل أهم المنتجات الاستهلاكية،ولقاو بللي الأراضي الي ممكن تزرع فيها بعض هاد المنتجات، ومنها القهوة ولاڤوكا ولاكاجو، غادي تنقص بزاف.

هاد الخبار غادي يصدم عشاق القهوة و اللي مبليين بيها.