كود -وكالات //

فدراسة جديدة دارت فـ لندن، لقاو الباحثين باللي التغيرات اللي كيوقعو فالمخ بسبب مرض ألزهايمر ماشي بحال بحال بين الرجال والعيالات، وهاد الشي ممكن يخلّي طرق التشخيص  تبدل حسب الجنس.

الدراسة ركزات على اختبار معروف سميتو “اختبار الحالة العقلية ” اللي كيعطي نقطة من 30 باش يقيس القدرات الذهنية. ولكن تبيّن باللي عند العيالات، هاد الاختبار ما كيعكسش ديما الحالة الحقيقية ديال المخ.,يعني ممكن المرا تجيب نقطة مزيانة، ولكن فالحقيقة يكون عندها تغيّرات مخبية فالمخ،
الباحثين حللو صور الأشعة ديال الدماغ ديال أكثر من 300 حالة ، عند فالرجال كيبان عندهم نقص فالمادة الرمادية بكري فالمراحل الأولى ديال المرض، ومن بعد كيوقع نوع من الاستقرار ، أما عند العيالات، فالمرض كيكون معطل فالأول، ولكن منين كيتطور المرض كيولي سريع وكينتشر دغيا.

وكيعتقدو العلماء باللي دماغ العيالات عندو قدرة يعوّض هاد الشونجمون فالبداية، وهاد الشي اللي كيخلي الأداء العقلي يبقى مزيان نسبياً وخا المرض ،هاد الاختلافات ممكن تكون مرتبطة بالهرمونات، الجينات، وحتى بطريقة اشتغال الدماغ.