كود – dailymail //

حذّرات دراسة من خطورة العطش على صحة الإنسان، وأكدات أن بزاف ديال الناس ما كيشربوش الكمية الكافية ديال الماء يومياً،  وكيوقع الجفاف ملي الجسم كيخسر سوائل أكثر مما كيدخل ليه، سواء من العرق ولا البول ولا التنفس.

وكتشير التوصيات الصحية أن جسم الإنسان فيه تقريباً 70 في المئة ما، وبالتالي نقص الترطيب يقدر يسبب مشاكل صحية خطيرة، تقدر يدتوصل حتى لتهديد الحياة .

وحسب توصيات هيئة الخدمات الصحية البريطانية، خاص الكبار يشربو ما بين 2 و2.5 لتر ديال السوائل يومياً، وماشي غير الما لي كيتحسب، حتى اتاي والقهوة والحليب والعواصر كيساهمو فهاد الكمية.

دارت دراسة علمية جديدة خارجة من  جامعة ليفربول جون موريس لقات علاقة بين قلة شيرب الماء وارتفاع هرمون التوتر المعروف بالكورتيزول، ولقات أن الناس لي كيشربو أقل من 1.5 لتر فالنهار كيكون عندهم ستريس أكبر  من 50 في المئة مقارنة مع لي كيشربو الكمية الموصى بها.

من جهة أخرى كيعاون الماء فعدد من  وظائف أساسية ، بحال نقل الأوكسجين والمعادن للخلايا، وتنظيم درجة حرارة الجسم، والتخلص من الديشي من الكلاوي. و اي نقص ولو بسيط فالماء يقدر يأثر على ضغط الدم والتركيز.