كود – وكالات//

خرجات دراسة جديدة كتقول بلي الرجال اللي عندهم ذكاء عالي، غالباً ما كيميلوش بزاف للأفكار المحافظة مقارنة مع رجال عندهم ذكاء متوسط، الدراسة دارتها جامعات ألمانية منهم جامعة زارلاند وجامعة فيليبس في ماربورغ، وتنشرات فمجلة  Intelligence، الباحثين وضحو أن الرجال الأذكياء كيبانو أقل ارتباط بالقيم التقليدية المزيرة، بحال العادات والتقاليد.

الدراسة رجعات لمشروع قديم داروه فالثمانينات سميتو “مشروع ماربورغ للموهوبين”، فين تدارو اختبارات الذكاء لآلاف ديال الأطفال، وتبعوهم حتى كبروا، لأكثر من 35 عام. ومن بعد، سولوهم على الآراء السياسية ديالهم، واش كيميلوا لليسار ولا لليمين، وزادو عمروو استمارات فيها تفاصيل على المواقف ديالهم فمواضيع بحال الليبرالية والاشتراكية.

النتيجة كانت كتقول أن الرجال اللي ذكاؤهم متوسط كيميلوا كثر للأفكار المحافظة، أمل اللي ذكاؤهم طالع كيبانو أكثر انفتاح وماشدينش فهاد القيم، ولكن المفاجأة هي أن هاد الفرق ما بانش عند العيالات ، يعني ما كاينش نفس التأثير.

وفنفس الوقت الدراسة بيّنات حتى أن الذكاء العالي ما كيعنيش بالضرورة التطرف السياسي، بالعكس بزاف ديال الناس الأذكياء كيبقاو معتدلين وعندهم آراء متنوعة .