الرئيسية > الزين والحداكة > دراسة: الدول اللي حاكمينها العيالات وفيات كورونا فيها كانت ناقصة
01/04/2021 20:00 الزين والحداكة

دراسة: الدول اللي حاكمينها العيالات وفيات كورونا فيها كانت ناقصة

دراسة: الدول اللي حاكمينها العيالات وفيات كورونا فيها كانت ناقصة

وكالات //

لقاو باحثين فجامعة ريدينكَ البريطانية أن البلدان اللي كيحكموها العيالات كانت استجابتها أفضل خلال الموجة الأولى من وباء فيروس كورونا المستجد.

وبينات الدراسة، اللي دارتها الجامعة، أن استجابة الدول اللي كتحكمها نساء، واللي عندها الحجم نفسو ونفس الناتج المحلي الإجمالي، كانت أكثر فاعلية من الدول اللي كيحكمها الرجال.

وتبين أن فالبلدان اللي كيقودوها العيالات، إحصاءات فيروس كورونا كانت ناقصة، بما في ذلك عدد الوفيات والإصابات.

ودرسو العلماء 20 دولة كتقودها النساء خلال الموجة الأولى من الوباء، من بوليفيا إلى بنكَلاديش، وقارنوا كل دولة مع دولة أخرى كيحكموها الرجال، واللي عندها نفس الناتج المحلي الإجمالي ومؤشر عدم المساواة بين الجنسين.

وكمثال، كانت دولة صربيا الصغيرة، ورئيسة وزرائها آنا برافيتش، ف طليعة الدول اللي قامت بمبادرات التطعيم فأوروبا، بالإضافة إلى ذلك، كتمتلك دولة البلقان ثاني أعلى نسبة من المواطنين اللي تم تطعيمهم فأوروبا، متقدمة على البلدان الغنية بما في ذلك سويسرا وفرنسا وألمانيا.

موضوعات أخرى

20/04/2021 22:00

رمضان وكونفينمون (الحلقة 6).. الممثل عبد الصمد الغرفي فحوار مع “كود”: التراويح غير سنة ومافيها باس نبقاو فديورنا.. وكنطالبو الحكومة بفتح المسارح