وكالات//

دراسة حديثة دارتها جامعة ملبورن بيّنت أن الشخص العادي كيحمل فداخلو تقريباً تسعة أسرار.

هاد الأسرار كتتراوح بين أكاذيب يومية ومخاوف شخصية عميقة، وحتى رغبات ما كيشاركهاش مع الناس.

حسب الدراسة، الأكاذيب جاو فالمركز الأول كأكثر الأسرار انتشاراً، ومن بعدهم المخاوف المرتبطة بالمظهر الشخصي، ثم الأسرار المالية والرغبات العاطفية.

المشاركين ذكرو حتى مواضيع أكثر حساسية، بحال جرح شخص عاطفياً، تعاطي المخدرات، السرقة، كره بعض الناس، عدم الرضا على الخدمة، أو حتى التفكير فالزواج.

الباحثة فال بيانكي قالت إن الأسرار ممكن تجي فبال الإنسان حتى فمواقف عادية، بحال وهو كيدوش ولا ماشي للخدمة، وهاد الشي كيقدر يخلق توتر وقلق كيستمر لساعات.