كود ـ كازا//

لقات دراسة اقتصادية دارها الباحث اليوناني نيك دريداكيس عام 2013، بللي كاين ارتباط بين شحال من مرة كيديرو العلاقات الحميمية الأزواج والمستوى ديال الدخل المادي ديالهم.

وحسب نتائج هاد الدراسة، الناس اللي كيمارسو الجنس أكثر من 4 مرات فالأسبوع، كيدخلو فلوس أكثر بنسبة كتوصل حتى لـ5% مقارنة مع الناس الآخرين. فالمقابل، الأشخاص اللي ما كيمارسوش الجنس نهائياً، ممكن يكون الدخل ديالهم ناقص بحوالي 3%.

وبينات الدراسة حتى بللي هاد العلاقة كتبان أكثر عند صحاب مابين 26 و50 عام، فين كيبان التأثير بشكل أوضح.

الدراسة حاولات تفسر هاد النتائج بزاف، لي هو النشاط الجنسي المنتظم كيساهم فتحسين الصحة النفسية والجسدية، وكيقلل من التوتر، وكيزيد فالثقة بالنفس والطاقة الإيجابية.

هاد العوامل كاملين ممكن يعطيو دفعة للأداء المهني ديال الشخص.

وشارت نفس الدراسة أن الناس اللي عندهم حياة مستقرة وسعيدة، غالباً كيكونو أكثر تحفيز وتركيز فالخدمة، وهاد الشي كيعاونهم ياخذو قرارات مهنية ناجحة ويحققو استقرار مادي.