كود – وكالات ///

بينات دراسة جديدة أن الفيتامينات لي كيتكالو بشكل يومي ممكن يعاون الناس لكبار فالعمر يحافظو على الصحة والقدرة ديالهم باش يديرو مهام يومية.

الدراسة داروها باحثين من معهد جورجيا للوقاية التابع لكلية الطب بجورجيا فجامعة أوغوستا، بقيادة الباحث بايو بي ،بيكيلي وبالتعاون مع الطبيب يانبين دونغ، واعتمدات على معطيات ديال أكثر من 16 ألف واحد فوق 60 عام شاركو فالدراسة.

وحسب النتائج، الناس اللي خداو الفيتامينات  يوميا لمدة 3 سنين سجلو مؤشرات حسن فالصحة الوظيفية وبقات صحتهم كيف لعود ومزيانة، مقارنة مع اللي خداو دوا وهمي، خصوصا فالأعراض والقدرة الجسدية.

وتم تقديم هاد النتائج فاجتماع الجمعية الأميركية للتغذية NUTRITION 2026، ولكن الباحثين نبهوا أن النتائج مازال أولية، حيت ما تنشراتش لحد الآن فحتى فمجلة علمية خاضعة للتحكيم.

ومن جهة اخرى ، كيشدو الباحثين أن الفيتامينات ماشي بديل لماكلة الصحية والرياضة، وأن اللي باغي يبدا ياخد المكملات الغذائية من الأحسن يستاشر الطبيب ديالو، وتكون عندو تغذية متوارنة.