كود -وكالات//

بينات دراسة علمية جديدة باللي تغريدات آلاف الأنواع ديال الطيور، كتعتمد كاملة على 8 أنماط صوتية ،هاد الاكتشاف عطى تفسير جديد لواحد من أكثر الألغاز اللي حيّرات العلماء على كيفاش طوّر تغراد الطيور من ملايين السنين.

الباحثين حللو كثر من 116 ألف تغريدة كتخص 3160 نوع من الطيور ، ولقاو باللي جميعها كترجع لنفس “الإيقاعات” الصوتية الأساسية، بحال تغريدة السريعة، تصفار، . وكيقولو بلي الاختلاف اللي كنسمعوه بين الطيور ما هو إلا تنويعات على نفس اللغة الصوتية، حيث كل نوع كيستعمل  5 اللغات  من أصل 8.

الدراسة بينات حتى أن البيئة اللي كتعیش فيها الطيور عندها دور كبير فطريقة الغناء ديالها. فالغابات الاستوائية، مثلاً، كينتاشر تصفار  حيث شجر  كيصعّب انتقال الصوت، اما فالمناطق المعتدلة  كيتستعمل التغراد السريع لي كيعاوت على التواصل والتزاوج.

العلماء أكدو أن هاد الأنماط الصوتية بانت عند السلف المشترك ديال الطيور المغردة قبل أكثر من 50 مليون سنة، ومن بعد تبدلات تدريجياً باش توالم مع الظروف البيئية المختلفة.