وكالات//

تسللو جوج ديال الحمام لطائرة ديال شركة “دلتا إيرلاينز”، وهادشي خلا الرحلة تتأخر جوج مرات.

شركة الطيران أكدت أن الحمامتين دخلات لقمرة القيادة ديال الطيّارة قبل ما تقلع الرحلة ديال السبت من مدينة مينيابوليس فولاية مينيسوتا لمدينة ماديسون فولاية ويسكونسن فأمريكا.

واحد الراكب اللي صوّر فيديو فيه راجل كيحاول يشد وحدة من الحمامتين بسترتو، قال لوسائل الإعلام إن الطيارة رجعات جوج مرات حيت الحمام كان كيحوم فقمرة القيادة.

فبيان رسمي، قالت شركة “دلتا” إن الرحلة تأخرت 56 دقيقة بسبب “الطيور المسافرين”.

وجا فالتصريح ديالهم: “كنقدرو بزاف الحذر اللي داروه الموظفين ديالنا والمسافرين باش يخرجو الحمامتين من الطيارة بسلام قبل ما تقلع، وكنعتاذرو للمسافرين على التأخير اللي وقع”.