الرئيسية > تبركيك > دب هجم على التوريست وسط محمية وقتل واحد فيهم
29/07/2021 02:00 تبركيك

دب هجم على التوريست وسط محمية وقتل واحد فيهم

دب هجم على التوريست وسط محمية وقتل واحد فيهم

كود – وكالات //

هجم دب على عددمن التوريست فـ محمية “يركَاكي” (Ergaki national park) ف منطقة “كراسنويارسك”(Krasnoyarsk) شرق سيبيريا، الشي اللي تسبب فالموت ديال واحد فيهم.

وحسب بيان نشراتو إدارة المحمية، قالت أن اعتداء الدب على السياح كان ثاني حادث مأساوي كايوقع فهاد المكان من اللي بدا الموسم السياحي.

ووقعات الحادثة فمنطقة البحيرات التسع وممر “أرادنسكي” الجبلي (The Aradansky Ridge high) فـ جبال سايان (Sayan)، بحيث هجم الدب على مجموعة سياحية ديال 4 أشخاص.

والبوليس فتحو تحقيق في ملابسات الحادث، وغيتم توجيه فريق يضم رجال الشرطة والصيادين إلى المنطقة.

وقال الناطق باسم إدارة وزارة الداخلية فإقليم “كراسنويارسك” أن الحادث تم تسجيلو رسميا، وزاد أن الدب هاجم سائح واحد، أما البقية هربو.

الضحية سميتو يڤكَيني سطاركوڤ، وعندو 42 عام فـ عمرو.

وصيفطات إدارة محمية “يركَاكي” رسالة لوزارة البيئة فإقليم “كراسنويارسك”، كاتطالبها بإغلاق المحمية أو الحد من زياراتها حتى لـ1 نونبر المقبل.

موضوعات أخرى

18/09/2021 13:30

جهة فاس مكناس.. انتخاب نوفل شباط رئيس لجماعة “برارحة” والفايق خدا الرئاسة فـ جماعة ولاد الطيب بالأغلبية ولعفو فـ جماعة عين الشقف والبوزيدي فـ تاونات