كود سبور//

عبر الدولي البوركينابي يوسفو دايو كابيتان نهضة بركان على الفرحة ديالو حيث عندو الجنسية المغربية، واكد انه هو وصحابو فالفريق البرتقالي غايلعبو على قبل المغاربة كاملين باش يفرحوهم بكاس الكاف فالفينال ضد الزمالك المصري.

واستغل كابيتان نهضة بركان يوسوفو دايو الندوة الصحافية اللي كتسبق ماتش لالي ديال فينال كاس الكونفدرالية الأفريقية، وكشف انه عندو الدوبل ناسيوناليتي دابا ديال بوركينافاسو وديال المغرب، وأنه فرحان بهادشي وفخور به.

وأكد يوسوف دايو انه هو وصحابو غايتقاتلو باش يربحو كاس الكونفدرالية الأفريقية ويهديوها للجمهور المغربي كامل وماشي غير جمهور نهضة بركان، وشكر المغاربة فميساج لهم وقال لهم شكرا بزاف بزاف.