وكالات//

نهار 12 في هاد الشهر غادي تكون لمحاكمة ديال تاجر فرنسي كان كيبيع بياسات ديال الأنتيكة بزبابل ديال لفلوس على أساس أنها أصلية وكترجع للقرن 18.

وعلى حسب ما قالت صحيفة تايم البريطانية لي جابت الخبر، ف التاجر لي عندو 93 عام عندو حانوت قدام قصر الإيليزيه، وكان كيصاوب هاد القطع المقلدة لقطع أصلية غالية بحال المكتب لي صايب النجار الشهير أندريه تشارلز بول للملك الفرنسي لويس الرابع عشر.

التاجر لي كينفي التهم لي توجهات ليه، باع هاد التحف المقلدة بفلوس صحيحة لبزاف ديال الناس منهم واحد زعيم ديال بلادو في إفريقيا، لي حتى هو تقولب.