وكالات//

بوليس تركيا شدو طبيب عيون قريب يكمل 80 عام، بسبب تهمة صادمة: كان كيلبس نضاضر فيهم كاميرا وكيصوّر العيالات فالأماكن العمومية.

وكان الرجل (77 عاماً) لابس نظاظر ف شي حي من أحياء منطقة الفاتح وسط إسطنبول، ومللي شاف البوليس جايين، دغية لاحهوم وحاول يهرسهم.

الصحافة المحلية قالت باللي البوليس ما كانوش تماك بالصدفة، ولكن توصلو ببلاغ على راجل كيصوّر العيالات سرًّا بكاميرا مخبية فالنضاضر ديالو.

الشرطة دّاتو هو والنظاظرو المهرسين اللي حاول يتلفهم، وبدّاو يحققو معاه على هاد التهمة.

ولكن، المحكمة اللي شافت فالقضية قررات تطلق سراحو، غير هو باقي متّهم بـ”انتهاك الخصوصية”، وغادي يتحاكم وهو حرّ، على ما باين.