وكالات//
فرش واحد الكتاب جديد داير بوم حاليا في ميريكان، الملياردير الميريكاني بيل غيتس، وقال أن الفضائح الجنسية ديالو هي لي خلاتو ميربحش جائزة نوبل لي كيحلم بيها.
الكتاب الجديد كتبو الكاتب “أنوبريتا داس” والعنوان ديالو هو “الملياردير، المهووس، المنقذ، الملك: بيل غيتس وسعيه لتشكيل عالمنا”.
وقال داس في الكتاب ديالو أن بيل كيتس متورط فبزاف ديال القضايا الجنسية ومن بينها أنه كان كيتحرش بالسطاجيرات عندو، وكان كيتبعهم بطريقة كانت كتحرجهم.
وكشف كذلك على العلاقة ديالو مع الملياردير إبيستين لي نتاحر عام 2019 في الحبس بعدما شدوه في قضايا اغتصاب وتحرش جنسي.
بيل غيتس نفى كاع هاد الاتهامات وقال أنه متأسف على العلاقة ديالو لي كانت مع صاحبو السابق إبستين.
وكشف الكتاب كذلك على أن بيل غيتس داير واحد ليكيب كاملة، الخدمة ديالها هي أنها تحسن الصورة ديالو باش يربح جائزة نوبل.
