وكالات//

حطات بعض المنصات الإلكترونية الروسية هاد السيمانة أوراق نقدية تذكارية من فئة 100 دولار، اللي وصفوها بـ”الفكاهية”.

هاد الأوراق فيها صور للرئيس الروسي فلاديمير بوتين والرئيس الميريكاني دونالد ترامب.

هاد الورقة النقدية كتتميز بتصميم غريب، حينت فواحد الوجه كاينة صورة ديال ترامب، ومن بعد فإشعاع الأشعة فوق البنفسجية كتظهر صورة ديال بوتين.

أما الوجه الآخر فيه صورة مشهورة لترامب اللحظة لي غادر فيها منصة خطاب فبنسلفانيا بعد ما فشلات محاولة الاغتيال ديالو، وكانو دايرين بيه الحراس ديالو.

وفنفس الطريقة، فالأشعة فوق البنفسجية كتظهر صورة ديال بوتين واقف مور منصة فيها ميكروفونات.

المنصات كاتقول أن هاد الأوراق مطبوعة على ورق خاص فيه علامات مائية، وكل ورقة كتحمل رقم تسلسلي فريد. وطبعة هاد الوراق بشكل محدود، وهادشي كيخليها مرغوبة أكثر عند الهواة والناس اللي كيهتموا بالقطع النادرة.