وكالات//

خضع راجل عندو خمسة ديال الدراري لعملية جراحية دقيقة فالمخ، وكان فايق وكايعزف على الگيتار، بينما كانو الأطباء كايحيدو ليه ورم قدّ حبة ديال الكيوي من مخّو.

بول ويلش-دالتون، اللي عندو 44 عام، تمّ نقلو للمستشفى من بعد ما جاتو نوبة صرع فدارو، وكان كايعاني من صداع ومرات كيضيع ليه الهضرة، على حساب ما قالت جريدة “بيبول”.

الفحوصات بيّنات أن عندو ورم فالمخ من نوع “ورم الدبقيات القليلة التغصن”، وهو نوع نادر وخطير من السرطان.

فعملية دامت 5 سوايع فمستشفى ديريفورد فمدينة بليموث فبريطانيا، قدرو الأطباء يحيدو تقريبا 98% من الورم اللي كان قطره 4 سنتيمترات، وبول بقى فايق طوال العملية.

وخلال العملية، عزف ثلاث مقاطع موسيقية لفرق معروفة بحال “غرين داي”، و”تينيشس دي”، و”أوايسس”، باش يضمنو أنو المخ ديالو ما تأثرش.

ورغم أن هاد الورم مصنّف من الدرجة الثالثة وكايشكل خطر على الحياة، العملية اللي دازت مزيان عطاتو فرصة جديدة فالحياة، على حساب ما قالو الأطباء.