كود سبور//

عرف فريق الوداد الرياضي ممثل المغرب الخصوم ديالو فكاس العالم للأندية “الميريكان2025”.

وطيحت القرعة ديال كاس العالم للاندية “الميريكان2025” ، اللي تسحبت اليوم الخميس بمدينة ميامي الميريكانية، فريق الوداد الرياضي فالگروب 7 مع أندية مانشستر سيتي النگليري، ويوفنتوس الإيطالي، والعين الإماراتي بطل اسيا اللي كايلعب معهم المغربي سفيان رحيمي.

وغايلعبو الوداد الماتش الاول لهم فالمونديال ضد مانشستر سيتي، والماتش الثاني ضد يوفنتوس، والماتش الثالث ضد العين الاماراتي.

وكان الجنوب افريقي رولاني موكوينا مدرب الوداد الرياضي، قال لرئيس النادي ضاح معاه إلى ما جاتش مانشستر سيتي مع الوداد فگروب واحد گاعما ترجع من الميريكان، حيث موكوينا عزيز عليه الإسباني بيب گوارديولا مدرب مانشستر سيتي.

للإشارة فكاس العالم للاندية 2025، هي نسخة جديدة من مونديال الاندية وكاتعرف مشاركة ولأول مرة 32 فريق، غايتنافسو فالميريكان بين 15 يونيو2025 و 13 يوليوز 2025.