وكالات //

فواحد المشهد قليل فين كنشوفوه، بان واحد السبع وهو متكي مع راسو وكيدور فواحد الطوموبيلة “بينتلي” فاخرة فشي شارع من شوارع تايلاند.

وستاغربات الناس من كيفاش سبع جالس عادي مع صاحبو وكيدور وسط الشوارع بطوموبيل، ودار الفيديو بعد يومين فقط بعد ما نزل جوج مليون ونص مشاهدة.

القضية مادازتش عادية، حينت البوليس ديال تايلاند قررو أنهم يديرو أونكيط فالفيديو وقدرو يوصلو للمسؤول عليه، ولقاو أنها امراة سميتها سوانغيت كوسوكميرن.

وزادت كبرات القضية مللي اكتاشفو أن السيدة كتملك هاد السبع بلا ترخيص، ودابا راه مهددة بغرامة ثقيلة وتقدر حتى تحكم بالحبس لمدة تقدر توصل لعام.

وفالأخير قررات السلطات ديال تايلاند ترجع السبع منين جا، وبالضبط لدولة سيريلانكا.