وكالات//

اضطر الفنان الشاب اللبناني محمد شاكر ولد المغني لكبير فضل شاكر أنه يمسح أغنية “ياريتك فاهمني” ديال الفنانة المصرية أنغام لي سجلها بصوتو وحطها على قناتو في اليوتوب.

محمد شاكر خبر الجمهور ديالو في فيديو على حسابو في تويتر أنه مسح الأغنية بعدما تواصل معاه المكتب لي كيسير أعمال ديال الفنانة أنغام وطلبو منو يمسح الأغنية من القناة ديالو.

الفنان الشاب قال أن أرباح الأغنية كانت غادي تمشي للشركة ديال الإنتاج وما كانش غادي يستفد ماديا، فقط حيت كيبغي أنغام وهاد الأغنية ديالها بغا يعاودها بصوتو.

واستغرب ولد هاني شاكر من أنه كيفاش هاد الأغنية معاودها أكثر من واحد بصوتو وباقة على اليوتوب للآن، ومني قرر هو يغنيها طلبات منو أنغام يحيدها.

محمد شاكر ولي هو ولد فضل شاكر كيحاول يمشي في الطريق ديال باه ويغني الأغاني الرومانسية، واخة ناقصاه بزاف ديال الكاريزما لي كانت عند باه.

وحتى الصوت لا علاقة بين الابن والأب لي حقق شهرة كبيرة قبل ما يدير ليه حزب الله في لبنان غسل الدماغ ويبعد على لغنا ويهز السلاح.