الرئيسية > تبركيك > دار صلة بين جدري القرودة والمثلية وكتب انها خروج على الفطرة.. تويتر حذف تغريدة اوموفوب ديال العثماني
30/07/2022 11:00 تبركيك

دار صلة بين جدري القرودة والمثلية وكتب انها خروج على الفطرة.. تويتر حذف تغريدة اوموفوب ديال العثماني

دار صلة بين جدري القرودة والمثلية وكتب انها خروج على الفطرة.. تويتر حذف تغريدة اوموفوب ديال العثماني

اسماء غربي – كود//

تويتر حذف تغريدة اوموفوب ديال العثماني.

رئيس الحكومة السابق سعد الدين العثماني، بارطاجا ارتيكل ديال موقع “CNews” الفرنسي، على الأحداث اللي كيشهدها العالم فالآونة الأخيرة واللي عرفات انتشار مرض جدري القرودا فعدة دول.

حتى لهنا مافيها باس، العثماني شد لارتيكل والدراسة اللي مذكورة فيه اللي كتقول انه الغالبية ديال اللي تصابو بمرض جدري القرودا من الرجال المثليين، وناض هو ربط مباشرة هاد المرض بالمثلية الجنسية ووصف المثلية بانها خروج على الفطرة.

وقال العثماني فتغريدتو على موقع “تويتر”: ”الغالبية العظمى من حالات ‎جدري القرود الحديثة انتقلت عن طريق الاتصال الجنسي، والغالبية العظمى من المصابين هم من الرجال المثليين، وذلك حسب أكبر دراسة في الموضوع”.

وأضاف العثماني اللي رجع لعيادتو بعدما غادر الحكومة، بما انه طبيب نفسي : ”والدرس المستفاد هو أن الخروج عن الفطرة خطر على الإنسان وعلى صحته وحياته، بل ووجوده”.

طبعا هاد الهضرة ماقبلهاش تويتر اللي قرر ان التغريدة اوموفوب وحذفها بكل بساطة.

موضوعات أخرى

09/08/2022 17:00

العائلة الودادية ماشي على خير.. ولات أصواتها مشتتة كتهدد كَاع داكشي اللي تبنا والخدمة اللي مديورة فالميركاتو

09/08/2022 14:30

فضيحة بوزارة التجهيز والماء.5 وكالات مائية بلا مدير و4 منها معندهاش موارد بشرية.. ومصدر لـ”گود”: هاد الوكالات هوما كولشي فتدبير الما وتهميشها من أسباب فشل السياسات المائية فالمغرب