وكالات//

كيم كارداشيان، نجمة تلفزيون الواقع، جرات عليها موجة ديال الانتقادات بعدما دارت واحد المقلب خطير مع ولدها “سانت” اللي عندو 9 سنين، فبث مباشر على قناة ديال اليوتيوبر المعروف “كاي سينات”.

هادشي وقع فـ”مافياثون 3″ نهار 1 شتنبر، حيث كانت كيم كتلعب مع سينات وأصحابو فواحد التحدي ديال النودلز، ولكن المفاجأة كانت فاش هي وولدها تآمروا باش يطيحو واحد الطابلة زجاجية من ورا المؤثر، واللي خلات الناس فالسيديو يتصدمو.

https://vt.tiktok.com/ZSAc5CDed/

كاي سينات تصدم وبان عليه الغضب فالأول، من بعد بدا كضحك وقال: “شكون دار هادشي؟”، وكيم حاولات تغطي على ولدها، ولكن من بعد عترفات وقالت: “أنا اللي فكرت فهادشي، وأنا اللي نتحمّل المسؤولية”.

الفيديوهات ديال المقلب تنتاشرو فالسوشيال ميديا وخلقو بزاف ديال الغضب، بزاف ديال الناس شافو أن هادشي خطر وماشي مسؤول، وكيهدد السلامة ديال الناس، خصوصاً مع الزجاج اللي ممكن يجرح. واحد كتب: “تخيّل إلى دخل ليه الزجاج فعينيه!”

لكن، كاينين ناس اللي دافعو على كيم، وقالو أن الطابلة ماشي بصح، بل غير مصنوعة من مواد آمنة بحال “زجاج السكر”، وأن هادشي غير للترفيه.

وهاد الحادث جا غير أيام من بعدما تعرضات كيم لانتقادات من وزارة الأمن الداخلي فميريكان، وها هي رجعات لدائرة الجدل من جديد بسبب تصرفاتها اللي ديما كتشعل النقاش.