وكالات //

مزال كانيي ويست كيزيد فالتوتُّر اللي بينو وبين تايلور سويفت، بحيث كيتّهِمها بلي هي السبب فأنه ماعطاوهش  يغني فالهالف تايم د السوبر بول.

فواحد البوست دارو فالكونط ديالو فتويتر ومن بعد مسحو، قال كانيي ويست بلي كاين ثلاث أسباب كيضن أنهم خلاوه مايكونش فهاد الحدث الرياضي الكبير، وقال:

“جورج بوش ماكايهمّوش الناس السُّود، اللقطة ديال تايلور سويفت، وكولشي على خاطَر الطّاقية ديال “خلّي أمريكا ترجع عظيمة”، الإحساس ديالي بلي أنا أحسن واحد باقي عايش، وكانو كيبعدوني من المسرح الرئيسي حيث كنت سابق لزماني.”

وهدَر حتى على الواقعة المعروفة ديال MTV فـ 2009، فاش طلع للمسرح وخدا الميكرو من يد تايلور سويفت، وقال قدّام الناس بلي الجائزة ديال أحسن فيديو كليب كان خاصها تمشي لبيونسي، ماشي لتايلور.

هاد الشي خلّى جمهور تايلور يغضب، وهادشي خلا كانيي يصدر الأغنية ديالو المشهورة Famous فـ 2016، اللي هاجم فيها تايلور وقال: أنا اللي شهّرت هاد البنت.”