وكالات//

قدّم المغني الكندي جاستن بيبر اعتذار علني لمراتو، عارضة الأزياء هايلي بيبر، من بعد ما دار واحد التعليق على الغلاف ديال مجلة “فوغ” الأمريكية اللي خرج فيه نقاش كبير فمواقع التواصل.

جاستن كان كتب تعليق على الصورة ديال الغلاف وقال فيه: “هادشي فكّرني فواحد المرة تخاصمت أنا وهايلي، وقلت ليها أنها عمرها تطلع على غلاف فوغ. عارف أن داكشي كان قاصح. هي حسات بالإهانة وأنا تصرفت بدافع الانتقام، وهادشي ما فيه حتى فايدة”. وفالآخر قال ليها: “كنت غالط، سمحي ليا”.

ولكن ماخلاش التعليق بزاف، حيث مسحو جاستن من بعد وبدلو غير بإيموجي (ديال واحد كيضرب كتافو (وهادشي خلا المتابعين يتساؤلو علاش دار هاد التغيير. الآراء تفرقات، كاين اللي شاف أنو كان غير كيضحك، وكاين اللي انتاقدو حيث جبد حياتو الشخصية قدام الناس.

أما هايلي، جاوبات بطريقة فيها السخرية فواحد الفيديو نشراتو مجلة “فوغ” بعنوان “داخل حقيبة هايلي بيبر”، وظهرت فيه كتشوف لينا شحال من تليفون عندها، وقالت أنها كتستعملهم باش تقلب، وتعلّق، وتصاوب حسابات وهمية، ومن بعد ختمات الفيديو بلقطة خيالية على “جرعة حب” عطات ليها شي “ساحرة”، وخّلات واحد نجم بوب كندي يطيح فحبّها، فإشارة واضحة لجاستن.